मराठवाडा मुक्ती संग्राम दिनाचे औचित्य साधून वसंतराव नाईक मराठवाडा कृषि विद्यापीठाच्या विस्तार शिक्षण संचालनालय व महाराष्ट्र शासनाच्या कृषि विभागाच्या संयुक्त विद्यमाने “रबी पीक परिसंवाद” दिनांक १७ सप्टेंबर २०२५ रोजी सकाळी ११.०० वाजता परभणी येथील कृषि महाविद्यालयाच्या सभागृहात आयोजित करण्यात येणार आहे.
या परिसंवादाचे उद्घाटन माननीय राज्यमंत्री, सार्वजनिक आरोग्य व कुटुंब
कल्याण, पाणी पुरवठा व स्वच्छता, उर्जा,
महिला व बालकल्याण, सार्वजनिक बांधकाम
(सार्वजनिक उपक्रम) तथा पालकमंत्री मा.ना. श्रीमती मेघना साकोरे-बोर्डीकर यांच्या
हस्ते होणार आहे. कार्यक्रमाचे अध्यक्षस्थान माननीय कुलगुरू प्रा. (डॉ.) इन्द्र
मणि हे भूषविणार आहेत. कार्यक्रमास राज्यसभा सदस्य मा. खा. श्रीमती फौजिया खान, लोकसभा सदस्य मा. खा. श्री. संजय जाधव, विधान
परिषद सदस्य व कार्यकारी परिषद सदस्य मा. आ. श्री. सतीश
चव्हाण, विधान परिषद सदस्य मा. आ. श्री. विक्रम
काळे, विधानसभा सदस्य व कार्यकारी परिषद सदस्य मा. आ. डॉ. राहुल पाटील, विधानसभा सदस्य मा. आ. श्री रत्नाकर
गुट्टे, विधानसभा सदस्य व कार्यकारी
परिषद सदस्य मा. आ. श्री. रमेशराव कराड, विधानसभा सदस्य व कार्यकारी परिषद सदस्य मा. आ.
श्री. अभिमन्यू पवार, विधानसभा सदस्य मा. आ. श्री राजेश
विटेकर आणि विधानसभा सदस्य व कार्यकारी परिषद सदस्य मा. आ. श्रीमती श्रीजया चव्हाण यांची प्रमुख उपस्थिती राहणार आहे. याबरोबरच प्रमुख अतिथी म्हणून
भारतीय कृषि अनुसंधान परिषद, नवी दिल्लीचे उप महासंचालक
(कृषि विस्तार) मा.डॉ. राजबीर सिंह उपस्थित राहणार आहेत. तसेच विद्यापीठ कार्यकारी
परिषद सन्मानीय सदस्य मा. श्री विठ्ठल सकपाळ, मा. श्री सुरज
जगताप, मा. श्री. भागवत देवसरकर, मा.
श्री. प्रविण देशमुख, मा. श्री. दिलीप देशमुख, मा. डॉ. कौशिक बॅनर्जी, मा.डॉ.
आदिती सारडा, मा. डॉ. व्ही. एम.
मायंदे, विद्यापीठाचे संशोधन संचालक डॉ. खिजर बेग, शिक्षण संचालक डॉ. भगवान आसेवार, कुलसचिव श्री.
संतोष वेणीकर, नियंत्रक श्री. अनंत कदम, विद्यापीठ अभियंता श्री. दीपक कशाळकर आदींची कार्यक्रमास उपस्थिती राहणार
आहे.
सदरिल पीक परिसंवादात शेतकरी बांधवानी जास्‍तीत जास्‍त संख्‍येने उपस्थित राहण्‍याचे
आवाहन विस्तार शिक्षण संचालक डॉ. राकेश अहिरे आणि परभणी जिल्ह्याचे अधिक्षक कृषि
अधिकारी श्री. दौलत चव्हाण यांनी केले आहे.
पीक परिसंवादाच्‍या तांत्रिक सत्रात हवामान अंदाज, पर्जन्यमानाची सद्यपरीस्थिती
व पिकांचे व्यवस्थापन, सुधारित हरभरा, रबी तेलबिया, रबी ज्वार, गहू , रबी भाजीपाला
या पिकांचे लागवड तंत्रज्ञान, शेतीला जोडधंदा म्हणून पशुधनाचे महत्त्व, सद्य:स्थितीतील
कापूस, तूर व हळद पिकांचे संरक्षण व व्यवस्थापन आदी विषयावर विद्यापीठांच्या
शास्त्रज्ञांचे मार्गदर्शन होणार आहे.
कार्यक्रमाची सुरवात विद्यापीठ निर्मित बियाणे विक्रीने होणार आहे.
विक्रीसाठी उपलब्ध बियाणे व त्याचे दर पुढील प्रमाणे आहेत.
ज्वारीचा परभणी शक्ती, सुपर मोती, परभणी मोती,
परभणी ज्योती विक्रीस उपलब्ध आहे. प्रत्येक वाणाची बॅग ४ किलोची
असून प्रति बॅगचा दर ५०० रुपये तर चारा ज्वारची बॅग ७ किलोची असून प्रति बॅगचा दर ८७५
रुपये असा आहे. हुरड्याचा परभणी वसंत हा वाण १ किलोच्या बॅग मध्ये उपलब्ध असून
प्रति बॅग १५० रुपये दर आहे.
हरभरा वाण बीडीएनजीके ७९८, बीडीएनजी ७९७, फुले विक्रम उपलब्ध
आहे. दहा किलोची बॅगची पॅकिंग असून बीडीएनजीके ७९८ या वाणाच्या दर १२५० रुपये तर
हरभराच्या इतर वाणाचा दर ९०० रुपये प्रति बॅग असा आहे. याबरोबरच हरभरा वाण परभणी चना नंबर १६ हा नवीन वाण १ किलोची बॅग रुपये ९०
प्रमाणे उपलब्ध आहे.
जवसाचा एलएसएल ९३ हा वाण उपलब्ध असून ५ किलोची बॅग ६५० रुपये दरानुसार
उपलब्ध आहे.
करडईचे पीबीएनएस ८६ उपलब्ध असून ५ किलोच्या बॅगमध्ये उपलब्ध असून बॅगचा दर
५५० रुपये असा आहे.
गहू या पिकाचे वाण एनआयएडब्ल्यू १९९४ आणि एनआयएडब्ल्यू ३०१ उपलब्ध असून बॅग
पॅकिंग ४० किलोची आहे. याचा दर २००० रुपये प्रति बॅग असा आहे.
बाजराचे ए.बी. पी.सी.-४-३ व ए.एच.बी-१२००
हे वाण १ किलोच्या बॅगमध्ये उपलब्ध असून अनुक्रमे रु ९० आणि रु १९० प्रती बॅग असा
दर आहे.
तिळाची टीएलटी- १० जात १ किलोची बॅग २५० रुपये, भेंडीची परभणी क्रांती जात १
किलोची बॅग ८५० रुपये तर सुर्यफूलाची एल.एस.एफ.एच-१७१ या वाणाच्या २ किलोची बॅग १०००
रुपये दराने मिळणार आहे.
याप्रमाणे बियाणे रबी हंगामासाठी शेतकऱ्यांना खरेदीसाठी विद्यापीठाने उपलब्ध करून दिलेले आहे.
