.jpeg)
वसंतराव नाईक मराठवाडा कृषि विद्यापीठाच्या करडई (कुसुम) संशोधन केंद्रात
दिनांक २२ नोव्हेंबर २०२५ रोजी करडईच्या अमेरिकन जर्मप्लाझम पेरणी कार्यक्रमाचा
शुभारंभ माननीय कुलगुरू प्रा. (डॉ.) इन्द्र मणि यांच्या शुभहस्ते झाला. या प्रसंगी
संशोधन संचालक डॉ. खिजर बेग, शिक्षण संचालक डॉ. भगवान आसेवार, करडई
पैदासकार तथा प्रभारी अधिकारी डॉ. राजेश धूतमल, तसेच करडई
कृषि विद्यावेत्ता डॉ. संतोष शिंदे उपस्थित होते.
सदरील जर्मप्लाझम भारतीय गळीतधान्य संशोधन संस्था, हैदराबाद यांच्यामार्फत
उपलब्ध करून देण्यात आलेले आहे. पेरणीच्या वेळी माननीय कुलगुरू महोदयांनी करडई
(कुसुम) पीक सुधारणा कार्यक्रमासाठी आवश्यक असलेल्या शास्त्रीय, नवोन्मेषी आणि दीर्घकालीन दृष्टीकोनासंदर्भात अनेक महत्वपूर्ण मार्गदर्शक
सूचना दिल्या. पीक सुधारणा, जातींचे संवर्धन, उत्पादनक्षमता वाढ, बदलत्या हवामानातील पिकाची
सहनशक्ती, तसेच शेतकऱ्यांच्या गरजेनुसार तंत्रज्ञान विकास
यांसारख्या महत्त्वाच्या मुद्द्यांवर त्यांनी संशोधकांना मार्गदर्शन केले.
यावेळी संशोधन संचालक डॉ. खिजर बेग आणि शिक्षण संचालक डॉ. भगवान आसेवार यांनीही
पेरणी प्रक्रियेची सखोल पाहणी करून संशोधन कार्य अधिक गुणवत्तापूर्ण होण्यासाठी
प्रोत्साहनपर सूचना दिल्या.
शेवटी करडई पैदासकार तथा प्रभारी अधिकारी डॉ. राजेश धूतमल यांनी
मान्यवरांच्या मार्गदर्शनामुळे करडई संशोधन अधिक परिणामकारक आणि दिशादर्शक ठरेल, असा विश्वास
व्यक्त करून सर्वांचे मनःपूर्वक आभार मानले. यावेळी करडई संशोधन प्रक्षेत्रावरील
अधिकारी, कर्मचारी व मजूर उपस्थित होते.
.jpeg)
