विद्यार्थ्यांनी स्वयंरोजगाराच्या संधी निर्माण करून
समाजासाठी आदर्श ठरावे... शिक्षण संचालक डॉ. भगवान आसेवार
वसंतराव नाईक मराठवाडा कृषि विद्यापीठाच्या उद्यानविद्या महाविद्यालय, परभणी येथे
अंतिम सत्रातील विद्यार्थ्यांचा निरोप समारंभ दिनांक २६ एप्रिल रोजी उत्साहात पार पडला.
या समारंभाच्या अध्यक्षस्थानी माननीय संचालक शिक्षण डॉ. भगवान आसेवार
हे लाभले होते. प्रमुख उपस्थिती म्हणून महाविद्यालयाचे सहयोगी अधिष्ठाता डॉ. विश्वनाथ
खंदारे, जिमखाना उपाध्यक्षा डॉ. वैशाली भगत तसेच सहयोगी प्राध्यापक डॉ. बी. एम. कलालबंडी,
डॉ. एस. आर. बरकुले, डॉ. ए. टी. दौंडे,
डॉ. ए. एस. लोहकरे व डॉ. अमोल भोसले मंचावर उपस्थित होते.
अध्यक्षीय भाषणात शिक्षण संचालक डॉ. भगवान आसेवार यांनी विद्यार्थ्यांच्या
उत्स्फूर्त सहभागाचे विशेष कौतुक करत, उद्यानविद्या पदवीचे भविष्यकालीन महत्त्व
स्पष्ट केले. विद्यार्थ्यांनी केवळ नोकरीच्या मागे न लागता, स्वयंरोजगाराच्या
संधी निर्माण करून समाजासाठी आदर्श ठरावे, असे प्रेरणादायी आवाहन
त्यांनी केले व भावी आयुष्यासाठी विद्यार्थ्यांना शुभेच्छा दिल्या.
प्रारंभी प्रास्ताविक करताना महाविद्यालयाचे डॉ. विश्वनाथ खंदारे
यांनी महाविद्यालयाच्या प्रगतीचा अहवाल सादर केला व अंतिम सत्रातील विद्यार्थ्यांना
उज्ज्वल भविष्यासाठी शुभेच्छा दिल्या.
विद्यार्थ्यांनीही आपले मनोगत व्यक्त करत महाविद्यालयाने दिलेल्या
विविध सुविधा, शैक्षणिक व अध्यात्मिक विकासाचा गौरवपूर्वक उल्लेख केला.
कार्यक्रम यशस्वी करण्यासाठी डॉ. एस. बी. पव्हणे, डॉ. एस. जे.
खंडागळे, डॉ. पी. एस. देशमुख, डॉ. आशा सातपुते,
श्रीमती शमा पठाण, श्री. एजाज शेख, श्री. अभिजीत देशमुख, श्री. सतीश पुंड, श्री. दत्ता मुकाडे व इतर कर्मचाऱ्यांचे विशेष सहकार्य लाभले.
कार्यक्रमाचे सुंदर व प्रभावी सूत्रसंचालन नम्रता गिरी व शुभम वाघ
यांनी केले,
तर आभार प्रदर्शन सरस्वती तायनाथ यांनी केले. विद्यार्थ्यांनी कार्यक्रमास
भरभरून प्रतिसाद देत, निरोप समारंभ संस्मरणीय केला.
