वसंतराव नाईक मराठवाडा
कृषी विद्यापीठ आणि रिलायन्स फाउंडेशन यांच्या संयुक्त विद्यमाने दि. ४ फेब्रुवारी
रोजी मौजे दुर्डी (ता. जि.
परभणी) येथे शेतकरी
बांधवांसाठी हरभरा पीक व्यवस्थापनावर विशेष प्रशिक्षण आणि प्रात्यक्षिक
कार्यक्रमाचे आयोजन करण्यात आले.
या कार्यक्रमात
शेतकऱ्यांना हरभरा पिकातील कीड व रोग व्यवस्थापन, खत व पाणी व्यवस्थापन तसेच
एकात्मिक पीक संरक्षणाच्या तंत्रज्ञानाची माहिती देण्यात आली. यामध्ये पिवळे-निळे
चिकट सापळे, पक्षी थांबे यांचा प्रभावी वापर, योग्य खत व्यवस्थापन आणि आधुनिक शेती पद्धतींचा अवलंब यासंदर्भात सखोल
मार्गदर्शन करण्यात आले.
कार्यक्रमाला कृषी
तंत्रज्ञान माहिती केंद्राचे विस्तार कृषी विद्यावेत्ता तथा व्यवस्थापक डॉ. गजानन
गडदे, सहाय्यक कीटकशास्त्रज्ञ डॉ. दिगंबर पटाईत आणि श्री. मधुकर मांडगे यांनी
उपस्थित राहून शेतकऱ्यांना महत्वपूर्ण माहिती दिली.
